07.01.2021

«‹star› géziti», «jumhur reis erdoghan fethullahchi térrorluq teshkilati heqqide toxtaldi» serlewhilik xewiride, munu uchurlargha orun ajratti:

jumhur reis rejep tayyip erdoghan tünügün türkiyede resmiy ziyarette bolghan albaniye bash ministiri édi rama bilen birleshme axbarat élan qilish yighini chaqirdi. édi rama bilen ötküzülgen uchriishishta térorluqqa qarshi küresh, mudapie we herbiy sahediki hemkarliqlarning nuqtiliq muzakire qilinghanliqini eskertken erdoghan, «fethullahchi térorluq teshkilatining her ikki döletke nisbeten tehdit shekillendüriwatqanliqigha dair albaniye dairiliri bilen oxshash pikirge igimiz. türkiye bu jehette türkiye maarip fondi jemiyi qatarliq barliq organliri bilen albaniyening yénida orun alidu» dédi.

«‹xewer türk› géziti», «türkiye tashqi ishlar ministirliqi amérikadiki weqeler toghrisida bayanat élan qildi» serlewhilik xewiride, munu uchurlargha orun ajratti:

türkiye amérikadiki namayishchilar palata binasigha bésip kergen weqelerge qarita bayanat élan qildi. bayanatta hemmila terep mötidil bolushqa chaqiriq qilindi we: «<namayishchilarning palata binasigha bésip kirishke urunushi> derijisige yetken amérikadiki dölet ichi özgirishlerni endishilengen halda közetmektimiz» dégen sözler ishlitildi.

«‹höriyet› géziti»,  «ersin tatar b d t gha chaqiriq élan qildi» serlewhilik xewiride, munu uchurlargha orun ajratti:

shimaliy qibris türk jumhuriyiti jumhur reisi ersin tatar birleshken döletler teshkilati (b d t) ning bash katipi antoniyo gutérrésni araldiki igilik hoquq, barawerlik we ikki döletni asas qilghan hemkarliqining formulasigha ochuq pikirlik bilen yéqinlishishqa chaqiriq qildi.

«‹sabah› géziti»,  «ministir donmez: <bizning sijil tok küchimiz 49 ming 550 mégawatqa yetti> dédi» serlewhilik xewiride, munu uchurlargha orun ajratti:

énérgiye we tebiiy bayliqlar ministiri fatih donmez tünügün quyash énérgiyesi sanaetchiler we sanaet jemiyetliri uyushturghan «quyash énérgiyesi bashliqlar yighini» da nutuq sözlidi. donmez sijil énérgiye sahesining kowid-19 yuqumi mezgilidin téximu kücheygen halda chiqqanliqini bayan qilip: «bizning sijil tok küchimiz 49 ming 550 mégawatqa yetti» dédi.

«‹weten› géziti», «antalyaning demre nahiyesidiki qedimiy xarabiliqlarni bultur 242 ming kishi ziyaret qildi» serlewhilik xewiride, munu uchurlargha orun ajratti:

antalyaning demre nahiyesige jaylashqan muzéy we arxologiyelik jaylarni ötken yili 242 ming 787 kishi ziyaret qildi. buningdin 5 milyon 605 ming 494 lira kirim qilindi.