антони блинкен әзәрбәйҗанниң чегра бәлгиләш келишимини тәбриклиди

түркийә авази радийоси хәвири: әзәрбәйҗан пирезиденти илһам әлийев вә америка ташқи ишлар министири антони блинкен телефонда көрүшти.

әзәрбәйҗан пирезидентлиқ мәһкимиси тәрипидин елан қилинған байанатта, блинкенниң пирезидент илһам әлийевгә телефун қилип, әрменийә билән әзәрбәйҗан оттурисида чегра бәлгиләш келишими һасил қилинғалиқи үчүн тәбриклигәнлики вә буни американиң қоллап қуввәтләйдиғанлиқини тәкитлигәнлики билдүрүлди.

пирезидент илһам әлийев сөһбәттә, икки дөләтниң чегра айриш комитети һасил қилған келишимниң дийалог вә өзара чүшиниш ичидә елип берилған музакирәләрниң нәтиҗиси икәнликини әскәртти.

чегра бәлгиләш хизмитиниң башлинишиниң иҗабий қәдәм икәнликини байан қилған әлийев, әзәрбәйҗанниң тинчлиқни қоғдаш җәһәттики қәтий ирадисини тәкитлиди.

сөһбәттә йәнә, икки тәрәплик мунасивәтни күчәйтиш, кишилик һоқуқ, енергийә вә килимат (2024-йиллиқ бирләшкән дөләтләр тәшкилати климат өзгириш йиғини) қатарлиқ саһәләрдики һәмкарлиқ қатарлиқ мәсилиләр музакирә қилинди.