ئەلىيېۋ پىرېزىدېنتلققا سايلانغاندىن كېيىنكى تۇنجى زىيارىتىنى ئەنقەرەدىن باشلىدى
ئەزەربەيجان پىرېزىدېنتى ئىلھام ئەلىيېۋ 7-فېۋرال (2024) دۆلىتىدە ئۆتكۈزۈلگەن پىرېزىدېنتلىق سايلىمىدا قايتا پىرېزىدېنتلىققا سايلانغاندىن كېيىن، تۇنجى رەسمىي زىيارىتىنى تۈركىيەدىن باشلىدى.
تۈركىيە ئاۋازى رادىيوسى خەۋىرى: تۈركىيە جۇمھۇر رەئىسلىك مەھكىمىسى ئۇچۇر-ئالاقە ئىشلىرى ئىدارىسى ئەزەربەيجان پىرېزىدېنتى ئىلھام ئەلىيېۋنىڭ ئەنقەرەگە يېتىپ كەلگەنلىكى توغرىسىدا بايانات ئېلان قىلدى.
باياناتتا مۇنداق دېيىلدى:
«ھۆرمەتلىك جۇمھۇر رەئىسىمىز رەجەپ تاييىپ ئەردوغاننىڭ تەكلىپىگە بىنائەن ئەزەربەيجان پىرېزىدېنتى ھۆرمەتلىك ئىلھام ئەلىيېۋ 18-19-فېۋرال كۈنلىرى دۆلىتىمىزدە رەسمىي دۆلەت ئىشلىرى زىيارىتىدە بولىدۇ. بۇ قېتىقى زىيارەت، ئەزەربەيجاندا 7-فېۋرال ئۆتكۈزۈلگەن پىرېزىدېنتلىق سايلىمىدىن كېيىنكى بىرىنچى قېتىملىق چەت ئەل ساياھىتى ھېسابلىنىدۇ. 19-فېۋرال ئەمەلگە ئاشۇرۇلىدىغان ئۇچرىشىشلاردا، تۈركىيە-ئەزەربەيجان ئوتتۇرىسىدىكى مۇناسىۋەتلەر بارلىق تەرەپلىرى بىلەن كۆزدىن كەچۈرۈلىدۇ. ئۆزئارا ھەمكارلىقلارنى تېخىمۇ چوڭقۇرلاشتۇرۇش ئۈچۈن قىلىنىشقا تېگىشلىك خىزمەتلەر مۇزاكىرە قىلىنىدۇ. بۇنىڭدىن باشقا، رايون ۋە دۇنيادكى يېڭ ئۆزگىرىشلەر توغرىسىدا ئۆزئارا پىكىر ئالماشتۇرۇلىدۇ.»
مۇناسىۋەتلىك خەۋەرلەر
ئەزەربەيجان – ئەرمېنىيە تىنچلىق سۆھبىتى باشلاندى
ئەزەربەيجان بىلەن ئەرمېنىيە ئوتتۇرىسىدىكى تىنچلىق سۆھبىتى قازاقىستاننىڭ ئالماتا شەھىرىدە باشلاندى.
ئەزەربەيجان باش مىنىستىرى تۈركىيەدە زىيارەتتە بولماقتا
ئەزەربەيجان باش مىنىستىرى ئەلى ئەسەدوف تۈركىيەدە دۆلەت ئىشلىرى زىيارىتىدە بولماقتا.