ئەزەربەيجان تۈركىيەگە تەزىيە بىلدۈردى
ئەزەربەيجان دۆلەت مۇداپىئە مىنىستىرى زاكىر ھاسانوۋ بۆلگۈنچى تېررورلۇق تەشكىلاتى — پ ك ك نىڭ ئىراقنىڭ شىمالىدىكى ھۇجۇمىدا شېھىت بولغان تۈركىيە ئەسكەرلىرى ئۈچۈن، دۆلەت مۇداپىئە مىنىستىرى ياشار گۈلەرگە تەزىيە تېلېگراممىسى يوللىدى.
2080019
تۈركىيە ئاۋازى رادىيوسى خەۋىرى: مىنىستىر ھاسانوۋ تۈركىيە ئارمىيەسى ئەسكەرلىرىنىڭ بۆلگۈنچى تېررورلۇق تەشكىلاتىنىڭ ئىراقنىڭ شىمالىدىكى خائىنلارچە ھۇجۇمىدا شېھىت بولغانلىقى ۋە يارىلانغانلىقىدىن خەۋەر تېپىپ، قاتتىق قايغۇرغانلىقىنى بىلدۈردى.
تۈركىيەنىڭ ئازابىنىڭ ئەزەربەيجاننىڭ ئازابى ئىكەنلىكىنى بىلدۈرگەن ھاسانوۋ: «بىز ھەر خىل تېررورلۇقنى قاتتىق ئەيىبلەيمىز. تېررورىزمغا قارشى كۈرەشتە ھەر دائىم قېرىنداش تۈركىيە ئارمىيەسىنى قوللايمىز ۋە قوللاشنى داۋاملاشتۇرىمىز» دېدى.
ئۇ تېلېگراممىسىدا، شېھىت بولغان ئەسكەرلەرگە ئاللاھتىن رەھىم – شەپقەت تىلىدى، يارىلانغان ئەسكەرلەرنىڭ سالامەتلىكىنىڭ تېزرەك ئەسلىگە كېلىشىگە تىلەكداشلىق بىلدۈردى.
مۇناسىۋەتلىك خەۋەرلەر
ئەزەربەيجاندا 5.2 بال يەر تەۋرىدى
ئەزەربەيجان يەر تەۋرەش مۇلازىمەت مەركىزى يەر تەۋرەش ھەققىدە بايانات ئېلان قىلدى.
ئەزەربەيجان – ئەرمېنىيە تىنچلىق سۆھبىتى باشلاندى
ئەزەربەيجان بىلەن ئەرمېنىيە ئوتتۇرىسىدىكى تىنچلىق سۆھبىتى قازاقىستاننىڭ ئالماتا شەھىرىدە باشلاندى.
