قىرغىزىستان دۆلەت بايرىقىنى ئۆزگەرتتى
قىرغىزىستان پارلامېنتىدا دۆلەت بايرىقىغا ئۆزگەرتىش كىرگۈزۈش تەكلىپ قىلىنغان قارار لايىھەسى قوبۇل قىلىنىپ قانۇنلاشتى.
تۈركىيە ئاۋازى رادىيوسى خەۋىرى: قىرغىزىستان پارلامېنتىنىڭ باشلىقى نۇرلانبېك شاكىيېۋنىڭ باشچىلىقىدا دۆلەت سىمۋوللىرى قانۇنىغا ئۆزگەرتىش كىرگۈزۈشكە مۇناسىۋەتلىك قانۇن تەكلىپ-لايىھەسى، پارلامېنت ئومۇمىي كېڭىشىدە ئاۋازغا قويۇلدى.
پارلامېنتى باشلىقى نۇرلانبېك شاكىيېۋ ۋە پارلامېنت ئەزاسى ئۇلان پرىموۋنىڭ قىرغىزىستان بايرىقىنى تېخىمۇ ياخشىلاش مەقسىتىدە تەييارلىغان قانۇن تەكلىپ-لايىھەسى، 90 كىشىلىك پارلامېنتتا ئاۋاز بېرىشكە قاتناشقان 64 ئەزانىڭ 59 ىنىڭ قوللىشى بىلەن رەسمىي قانۇنغا ئايلاندى. بەش پارلامېنت ئەزاسى رەت قىلىپ ئاۋاز تاشلىدى.
قانۇن تەكلىپ-لايىھەسىدە، بايراقتىكى دولقۇنسىمان قۇياش نۇرىنى تۈز قىلىش ۋە ئوتتۇرىدىكى نەققاشنىڭ ئىچىدە كۆرۈنىدىغان ئۈچ دانە سىزىقچىنى تۆتكە چىقىرىشنى ئۆز ئىچىگە ئالىدۇ.
قىرغىزىستان پىرېزىدېنتى سادىر جاپپاروۋ 2-نۆۋەتلىك خەلق قۇرۇلتىيىدا، دۆلەت بايرىقىغا ئۆزگەرتىش كىرگۈزۈشنى تەلەپ قىلغانلىقىنى بىلدۈرگەن ئىدى.
قانۇن تەكلىپ-لايىھەسى پىرېزىدېنت سادىر جاپپاروۋ تەرىپىدىن تەستىقلانغاندىن كېيىن، رەسمىي كېزىتتە ئېلان قىلىنىپ، ئىجرا قىلىنىشقا باشلىنىدۇ.
مۇناسىۋەتلىك خەۋەرلەر
ئەزەربەيجان باش مىنىستىرى تۈركىيەدە زىيارەتتە بولماقتا
ئەزەربەيجان باش مىنىستىرى ئەلى ئەسەدوف تۈركىيەدە دۆلەت ئىشلىرى زىيارىتىدە بولماقتا.
ئۆزبېكىستان بىلەن ۋېنگىرىيە ئەركىن ئىقتىسادىي رايون قۇرىدۇ
ئۆزبېكىستاندا ۋېنگىرىيە ۋە ياۋروپا شىركەتلىرى ئۈچۈن ئالاھىدە ئەركىن ئىقتىسادىي رايون قۇرۇلىدۇ.