ئەرمېنىيە كۆمگەن مىنالارنىڭ پارتلىشى نەتىجىسىدە 3413 ئەزەربەيجانلىق قازا قىلدى

تۈركىيە ئاۋازى رادىيوسى خەۋىرى: ھىكمەت ھاجىيېۋ ئىجتىمائىي تاراتقۇ سۇپىسى <X>  تىكى ئادرېسىدا بايانات ئېلان قىلىپ، ئەرمېنىيەنىڭ ئەزەربەيجان زېمىنلىرىنى ئىشغال قىلغان مەزگىلدە ۋە ئىككىنچى قاراباغ ئۇرۇشى جەريانىدا ئەزەربەيجان زېمىنلىرىغا كۆمگەن مىنالىرى كەلتۈرۈپ چىقارغان تالاپەتلەر توغرىسىدىكى ئۇچۇرلارنى ئامما بىلەن ئورتاقلاشتى.

ئىككىنچى قاراباغ ئۇرۇشى ئاخىرلاشقان 2020- يىلى 10 - نويابىردىن بۇيان ئەرمېنىيە تەرەپ كۆمگەن مىنالار پارتلاپ قازا قىلغان ئەزەربەيجانلىقلار سانىنىڭ 65 كە يەتكەنلىكىنى بىلدۈرگەن ھاجىيېۋ، بۇ ۋەقەلەردە 269 ئەزەربەيجانلىقنىڭ يارىلانغانلىقىنى ئەسكەرتتى.

قازا قىلغانلارنىڭ 50 نەپىرىنىڭ پۇقرا، 15 نەپىرىنىڭ ئەسكەر ئىكەنلىكىگە ئىشارەت قىلغان ھاجىيېۋ، 1991- يىلىدىن بۇيان ئەرمېنىيە تەرەپ كۆمگەن مىنالار پارتلاپ 3413 ئەزەربەيجانلىقنىڭ ھاياتىدىن ئايرىلغانلىقىنى قەيت قىلدى.