قىرغىزىستان بىلەن تاجىكىستان چېگرا مەسىلىسىدە قىسمەن كېلىشتى

تۈركىيە ئاۋازى رادىيوسى خەۋىرى: قىرغىزىستان ھۆكۈمىتى مەتبۇئات مەركىزى بايانات ئېلان قىلىپ، مۇشۇ يىلنىڭ بېشىدىن تارتىپ ئېچىلغان يىغىنلار ۋە نۆۋەتتە تاجىكىستان پايتەختى دۈشەنبەدە داۋاملىشىۋاتقان سۆھبەتلەر نەتىجىسىدە قىرغىزىستان- تاجىكىستان چېگراسىنىڭ 101.9 كىلومېتىرلىق قىسمىنىڭ بېكىتىلگەنلىكىنى ئۇقتۇردى.

قىرغىزىستان دەتالاشلىق چېگرا رايونىدا 2021- يىلى 28- ئاپرېلدىن 30- ئاپرېلغىچە يۈز بەرگەن توقۇنۇش سەۋەبىدىن 2021- يىلى 5- ئاينىڭ 21- كۈنىدىن باشلاپ چېگرا مەسىلىسى ھەل بولغىچە تاجىكىستان بىلەن بولغان تاموژنا ئېغىزلىرىنى تاقىۋەتكەنىدى.

ئىككى دۆلەت ئوتتۇرىسىدىكى ئەڭ ئاخىرقى توقۇنۇش 9- ئاينىڭ 14- كۈنى پارتلىغان، ھەر ئىككى تەرەپتىن نەچچە ئون ئادەم ھاياتىدىن ئايرىلغانىدى.