rusiye b d t heyitining qirimda kishilik hoquq weziyitini tekshürüshige tosqunluq qildi

türkiye awazi radiyosi xewiri: b d t bash katipi antoniyo gutérrés teripidin kishilik hoquq kéngishige sunulghan «ukrainaning uzun mezgildin béri ishghaliyet astida turiwatqan  qirim aptonom jumhuriyiti we séwastopol shehiride kishilik hoquq weziyiti» namliq doklatida rayondiki eng yéngi weziyet bahalandi.

qirimda kishilik hoquq depsendichilikining ziyankeshlikige uchrighanlar qurbanlar bilen birmu-bir söhbetlishish arqiliq toplanghan melumatladin terkip tapqan doklatta, ziyankeshlikke uchrighuchilarning bayanliri oxshimighan menbelerdin delillengenliki uqturuldi.

doklatta rusiye belgiligen qanunlarning qirimdiki axbarat erkinliki we uchurgha érishish hörriiyitige selebiy tesir körsitiwatqanliqi tekitlinip, rusiyening qirimdiki oxshimighan siyasiy köz qarashlarni jimiqturiwatqanliqi bildürüldi.  

qirimda din we étiqad erkinlikiningmu bésimgha uchrawatqanliqi, qirimda yashaydighan yehowa shahiti xiristiyanlarning «ashqun gurup» dep bahalinip, paaliyetlirining chekliniwatqanliqi eskertildi.

buningdin bashqa yene, qirimgha qarashliq alushta shehiride bir imamning jamide tebligh qilghanliqi üchün jerimane jazasigha hukum qilinghanliqi uqturuldi.

b d t wekiller ömikining qirimdiki kishilik hoquq weziyitige qarita eng yéngi özgirishlerni tekshürüsh üchün kontrolsiz ziyaret qilish telipining rusiye teripidin ret qilinghanliqi, shunga wekiller ömikining qirimgha kirelmeywatqanliqi bildürüldi.

doklatta gutérrésning bayanatigha alahide orun ajritilghan bolup, gutérrésning «rusiye fédératsiyesining sharaiti sewebidin, kishilik hoquq aliy komissarliqi ishxanisi omumiy yighinining qararigha asasen, qirimda nex meyda küzütüsh xizmetlirini qilghili bolidighan muwapiq usulni tapalmidi» dégen sözliri neqil keltürüldi.