shamahi shehiri türk dunyasining sayahet paytexti boldi

türkiye awazi radiyosi xewiri: türk döletliri teshkilatining sayahet ishlirigha mesul ministirlarning 7-qétimliq yighini shamahi shehiride ötküzüldi.

ezerbeyjan dölet sayahet agéntliqining bashliqi fuad naghiyéwning sahibxanliqida we türk döletliri teshkilatining bash katipi baghdad amréyéwning riyasetchilikide ötküzülgen yighinda, özbékstan muawin bash ministiri qoshumche sayahet we medeniyet mirasliri ministiri eziz abduhakimow, türkiye jumhuriyiti muawin medeniyet we sayahet ishliri ministiri nadir alpaslan, qazaqistan muawin medeniyet we tenterbiye ministiri yerjan yerkinbayéw, her qaysi döletlerning yuqiri derijilik hökümet mesulliri, sayahet ishlirigha mesul mutexessisler, türk döletlirining ezerbeyjandiki elchixana we konsulxanilirining wekilliri qatnashti.

yighinda, türk döletliri teshkilatigha eza we közetküchi döletlerning chong sheherliri arisidiki ayropilan seperliri sanini köpeytish, sayahetchilikke munasiwetlik uchur we tejribilerni ortaqlishish, qish pesli sayahetchilikide özara hemkarliq ornitish imkaniyetlirini kücheytish qatarliq mesililer muzakire qilindi.

türk döletliri teshkilatigha eza döletlerning sayahet agéntliqliri birleshmisi otturisida munasiwet ornitish mesilisimu muzakire qilinghan yighinda, ezerbeyjanning shamahi shehirining 2023-yilliq türk dunyasi sayahet paytextlikige saylinishi toghrisida qarar élindi.