шамаһи шәһири түрк дунйасиниң сайаһәт пайтәхти болди
түрк дөләтлири тәшкилати әзәрбәйҗанниң шамаһи шәһирини 2023-йиллиқ түрк дунйаси сайаһәт пайтәхтигә сайлиди.
түркийә авази радийоси хәвири: түрк дөләтлири тәшкилатиниң сайаһәт ишлириға мәсул министирларниң 7-қетимлиқ йиғини шамаһи шәһиридә өткүзүлди.
әзәрбәйҗан дөләт сайаһәт агентлиқиниң башлиқи фуад нағийевниң саһибханлиқида вә түрк дөләтлири тәшкилатиниң баш катипи бағдад амрейевниң рийасәтчиликидә өткүзүлгән йиғинда, өзбекстан муавин баш министири қошумчә сайаһәт вә мәдәнийәт мираслири министири әзиз абдуһакимов, түркийә җумһурийити муавин мәдәнийәт вә сайаһәт ишлири министири надир алпаслан, қазақистан муавин мәдәнийәт вә тәнтәрбийә министири йәрҗан йәркинбайев, һәр қайси дөләтләрниң йуқири дәриҗилик һөкүмәт мәсуллири, сайаһәт ишлириға мәсул мутәхәссисләр, түрк дөләтлириниң әзәрбәйҗандики әлчихана вә консулханилириниң вәкиллири қатнашти.
йиғинда, түрк дөләтлири тәшкилатиға әза вә көзәткүчи дөләтләрниң чоң шәһәрлири арисидики айропилан сәпәрлири санини көпәйтиш, сайаһәтчиликкә мунасивәтлик учур вә тәҗрибиләрни ортақлишиш, қиш пәсли сайаһәтчиликидә өзара һәмкарлиқ орнитиш имканийәтлирини күчәйтиш қатарлиқ мәсилиләр музакирә қилинди.
түрк дөләтлири тәшкилатиға әза дөләтләрниң сайаһәт агентлиқлири бирләшмиси оттурисида мунасивәт орнитиш мәсилисиму музакирә қилинған йиғинда, әзәрбәйҗанниң шамаһи шәһириниң 2023-йиллиқ түрк дунйаси сайаһәт пайтәхтликигә сайлиниши тоғрисида қарар елинди.
مۇناسىۋەتلىك خەۋەرلەر
шивейтсарийәдә түрк һәптилики паалийити өткүзүлмәктә
шивейтсарийәниң җәнвә шәһиридә түрк һәптилики паалийити өткүзүлмәктә.
әрменийә төт йезисини әзәрбәйҗанға қайтуруп беришни қобул қилди
әрменийә 1-қарабағ урушида ишғал қиливалған 4 йезини әзәрбәйҗанға қайтуруп беришни қобул қилди.
