18- нөвәтлик сүрийә темилиқ астанә сөһбити йиғини пайтәхт нур султанда өткүзүлиду
қазақистанниң пайтәхти нур султанда 6-айниң 14-күнидин 16-күнигичә сүрийә темилиқ 18- нөвәтлик астанә сөһбити йиғини өткүзүлиду.
түркийә авази радийоси хәвири: қазақистан ташқи ишлар министирлиқиниң байанатчиси айбәк смадийаров түркийә, русийә вә иранниң капалити астида сүрийә кризисини һәл қилиш мәқсәт қилинған астанә сөһбити йиғининиң келәр ай қазақистанда өткүзүлидиғанлиқини билдүрди.
айбәк смадийаров 14 – ийундин 16 ийунғичә өткүзүлмәкчи болған сөһбәт йиғиниң пайтәхт нур султанда өткүзүлидиғанлиқини вә министирлиқ болуш сүпити һазир астанә сөһбити йиғинининиң һәрқайси капаләтчи дөләтлири билән көзәткүчи салаһийәтлик дөләтләрниң қатнишишини тәстиқлаш басқучини башлиғанлиқини елан қилди.
әң ахирқи қетим 2021-йили 12-айниң 21-күнидин 22-күнигичә өткүзүлгән сүрийә темилиқ 17- нөвәтлик астанә сөһбити йиғинида, сүрийәниң йеңи вәзийити, инсанпәрвәрлик йардәмләрниң йәткүзүлиши, җәнвәдә сурийә асасий қанун комитети хизмәтлириниң қайтидин башлитилиши, мәһбусларни алмаштуруш, тутқунларни қойуп бериш вә йоқап кәткән кишиләрни издәш қатарлиқ ишәнч ашурғучи муһим тәдбирләр күнтәртип маддиси болған иди.
