nezerbayéwning «ömürwayet pirézidént» bolush hoquqi bikar qilindi
qazaqistanning qurghuchi pirézidénti nursultan nezerbayéwning dölet xewpsizlik kéngishi we qazaqistan xelq mejlisidiki «ömürwayet pirézidént» bolush hoquqi bikar qilindi.
türkiye awazi radiyosi xewiri: parlaméntning yuqiri qaniti bolghan palata, heptilik omumiy yighinida, döletning tunji pirézidénti nursultan nezerbayéwning siyasiy hoquqini öz ichige alghan qanun layihesige bezi tüzitishlerning kirgüzülüshini maqullidi.
buninggha asasen, zerbayéwning dölet xewpsizlik kéngishi we qazaqistan xelq mejlisidiki «ömürwayet pirézidént» bolush hoquqi bikar qilindi.
qanun layihesi, palata ezalirining bir dek awaz bérishi netijiside maqullandi.
mezkur qanun layihesi, buningdin bir hepte ilgiri parlamént ezaliri teripidin testiqlinip, kéngesh palatasigha sunulghanidi.
qazaqistanni texminen 30 yil bashqurghandin kéyin, 2019-yili pirézidéntliq wezipisidin istépa bergen nezerbayéw, yenila qazaqistan dölet xewpsizlik kéngishi, qazaqistan xelq mejlisi we nur otan partiyesining reisilik wezipisini dawamlashturup kéliwatatti.
bu yilning bashlirida dölette yüz bergen weqelerdin kéyin, nezerbayéw dölet xewpsizlik kéngishining reisliki wezipisini pirézidént qasim jömert toqayéwgha ötküzüp bergenlikini jakarlighanidi.
مۇناسىۋەتلىك خەۋەرلەر
shiwéytsariyede türk heptiliki paaliyiti ötküzülmekte
shiwéytsariyening jenwe shehiride türk heptiliki paaliyiti ötküzülmekte.