нәзәрбайевниң «өмүрвайәт пирезидент» болуш һоқуқи бикар қилинди

түркийә авази радийоси хәвири: парламентниң йуқири қанити болған палата, һәптилик омумий йиғинида, дөләтниң тунҗи пирезиденти нурсултан нәзәрбайевниң сийасий һоқуқини өз ичигә алған қанун лайиһәсигә бәзи түзитишләрниң киргүзүлүшини мақуллиди.

буниңға асасән,  зәрбайевниң  дөләт хәвпсизлик кеңиши вә қазақистан хәлқ мәҗлисидики «өмүрвайәт пирезидент» болуш һоқуқи бикар қилинди.

қанун лайиһәси, палата әзалириниң бир дәк аваз бериши нәтиҗисидә мақулланди.

мәзкур қанун лайиһәси, буниңдин бир һәптә илгири парламент әзалири тәрипидин тәстиқлинип, кеңәш палатасиға сунулғаниди.

қазақистанни тәхминән  30 йил башқурғандин кейин,  2019-йили пирезидентлиқ вәзиписидин истепа бәргән нәзәрбайев, йәнила қазақистан дөләт хәвпсизлик кеңиши, қазақистан хәлқ мәҗлиси вә нур отан партийәсиниң рәисилик вәзиписини давамлаштуруп келивататти.

бу йилниң башлирида дөләттә йүз бәргән вәқәләрдин кейин, нәзәрбайев  дөләт хәвпсизлик кеңишиниң рәислики вәзиписини пирезидент қасим җөмәрт тоқайевға өткүзүп бәргәнликини җакарлиғаниди.