كەركۈكتە ئىراق پارلامېنتى ئىككىنچى مۇئاۋىن رەئىسىنىڭ  ئىشخانىسى بومبا ھۇجۇمىغا ئۇچرىدى

تۈركىيە ئاۋازى رادىيوسى خەۋىرى: كەركۈك ساقچى ئىدارىسى باياناتچىسى ئامىر نۇرى بايانات ئېلان قىلىپ، كىملىكى نامەلۇم كىشىلەر ھەيدىگەن ئاپتوموبىلدىن پارلامېنت مۇئاۋىن رەئىسى شاھۋان ئابدۇللاھنىڭ ئىشخانىسىغا قول بومبىسى ئېتىلغانلىقىنى بىلدۈردى.

ئامىر نۇرى ھۇجۇمدا ئادەم ئۆلۈش ۋەقەسى كۆرۈلمىگەنلىكىنى تىلغا ئېلىپ، ئىشخانىغا ماددى زىيان يەتكەنلىكىنى ۋە ۋەقەگە قارىتا تەكشۈرۈشلەرنىڭ باشلانغانلىقىنى ئۇقتۇردى.