әзәрбәйҗан баш әлчиси қазақистандики вәқәләр вә түрк дөләтлири тәшкилати үстидә тохталди

түркийә авази радийоси хәвири: әзәрбәйҗанниң әнқәрәдә турушлуқ баш әлчиси рәшид маммадов түркийә билән әзәрбәйҗан оттурисидики мунасивәтләрниң нормал дөләтләр ара мунасивәт әмәс, бәлки қериндашлиқ мунасивитини асас қилидиғанлиқини, түркийә-әзәрбәйҗан қериндашлиқиниң үлгә икәнликини билдүрди.

маммадоф әзәрбәйҗанниң түркийә билән болған мунасивәтлириниң нормал дөләтләр ара мунасивәттин үстүн, қериндашлиқ вә уруқ -туғқанлиқ мунасивити икәнликини тилға елип, әзәрбәйҗанниң түркийә билән бирликтә тамамлиған лайиһәси үстидә тохталди вә баку-тиблис-җәйхан нефит туруба линийәси шундақла баку-тиблис-карс төмүр йоли лайиһәсини мисал кәлтүрди.

әзәрбәйҗанниң бу лайиһәләрни ишқа ашурушида түркийәниң йардиминиң интайин муһим болғанлиқини тилға алған мамадов, бу лайиһәләрниң һәммәйләнниң еһтийаҗини қандуридиғанлиқини тәкитләп, «түркийә һечбир дөләткә тәһдит елип кәлмәйду. түркийә пәйда қилинған тәһдитләрниң алдини алмақта. әзәрбәйҗанму охшаш. түркийә-әзәрбәйҗан қериндашлиқи бир үлгидур» деди.

маммадов әзәрбәйҗанниң түркийәдә пәқәт енергийә саһәсигила 19 милйард 500 милйон доллар мәбләғ салғанлиқини әскәртип, «түркийә дөләт мудапиә министирлиқиға тәвә мудапиә санаитиниң пайдисини ким көриватиду? биз көриватимиз. әзәрбәйҗан армийәси түркийә әндизиси үстигә қурулған» деди.

түрк дөләтлири тәшкилатиниң муһимлиқини тилға алған маммадоф, бу тәшкилатниң башқа тәшкилатларға охшимайдиған шәкилдә «тәбиий» икәнликини вә бу тәшкилатни әза дөләтләр пуқралириниң арзу қилғанлиқини ейтти.

маммадов қазақистандики вәқәләр үстидиму тохтилип, «иҗтимаий мәсилиләр, ички амилларму наһайити чоң иди, бу вәқәләрни суйиистемал қилғанларму көп иди» деди.

маммадоф бу вәқәләрдин кейин қазақистан вә қазақистан хәлқиниң техиму бәк күчийидиғанлиқини ейтти.