kerim mesumow we uning muawinliri üstide ilawe tekshürüshler bashlandi
qazaqistanda dölet xewpsizlik komitétining sabiq bashliqi kerim mesimow we uning muawinliri üstide «hakimiyetni mejburiy qolgha chüshürüshke urunush» tin ilawe tekshürüsh bashlandi.
türkiye awazi radiyosi xewiri: qazaqistan dölet xewpsizlik komitéti bayanat élan qilip, idarining sabiq reisi kerim mesimow heqqide «wetenge xiyanet qilish jinayiti» bilen bashlanghan tekshürüshlerning dawamlishiwatqanliqi eskertildi.
bayanatta, kerim mesumowning sabiq muawinliri bolghan anuar sadiqulow we dewlet yergojinning tutulghanliqi bildürüldi.
bayanatta mundaq déyildi:
«bu kishiler heqqide, wetenge xiyanet qilish jinayitige ilawe halda hakimiyetni mejburiy qolgha chüshürüsh we hoquqidin qalaymiqan paydilinishqa munasiwetlik qanun maddiliri boyiche tekshürüsh bashlandi. tekshürüsh dairiside, sabiq reis kerim mesumow bilen sabiq muawinliri anuar sadiqulow we dewlet yergojin tutuldi. munasiwetlik tekshürüshler dawamlashmaqta.»
qazaqistan pirézidénti qasim jömert toqayéwning qarari bilen 6-yanwar (2022), kerim mesumow dölet xewpsizlik komitétining reislik hoquqidin élip tashlandi we 8-yanwar bir qanche kishi birlikte döletke xiyanet qilish jinayiti bilen eyiblinip tutulghan idi.
مۇناسىۋەتلىك خەۋەرلەر
shiwéytsariyede türk heptiliki paaliyiti ötküzülmekte
shiwéytsariyening jenwe shehiride türk heptiliki paaliyiti ötküzülmekte.
