elixan smayilow qazaqistanning yéngi bash ministiri boldi
pirézidént qasim jömert tokayéw qazaqistan parlaménti omumiy yighinida elixan smayilowni bash ministirliqqa namzat körsetti.
türkiye awazi radiyosi xewiri: elixan smayilow barliq siyasiy partiye wekillirining qollighan awazigha ériship, qazaqistanning 12-nöwetlik hökümet bashliqi boldi.
50 yashliq elixan smayilow ilgiriki kabinétta birinchi muawin bash ministir bolup wezipe ötigen idi.
5-yanwar suyuqlandurulghan néfit gazi (LPG) bahasini östürilishige qarshi bashlanghan namayishlar tüpeyli sabiq bash ministir esqer mamin bashchiliqidiki hökümet istipa bergendin kéyin elixan smayilow waqitliq bash ministirliq wezipisige teyinlengen idi.
elixan smayilow bélet tashlashtin kéyin bash ministir bolup sözligen tunji nutiqida, mushundaq bir weziyette pirézidént tokayéw we parlamént ezalirining özige ishengenlikige rehmet éytti.
elixan smayilow uning asasliq wezipisining makro iqtisadning muqimliqigha kapaletlik qilish we pul paxalliqini azaytish ikenlikini tekitlep, «puqralarning barliq qanuniy telepliri ruyxetke élinidu we ijra qilinidu » dédi.