türk döletliri teshkilati: qazaqistanni dawamliq qollaymiz

türk döletliri teshkilati mewjut kirizisni hel qilishta qazaqistan hökümiti we xelqige tégishlik yardem bérishke teyyar ikenlikini bildürdi.

1760865
türk döletliri teshkilati: qazaqistanni dawamliq qollaymiz

türkiye awazi radiyosi xewiri: türk döletliri teshkilatigha eza we közetküchi döletlerning tashqi ishlar ministirliri, qazaqistandiki özgirishler heqqide ötküzülgen sin yighidin kéyin, yazma bayanat élan qildi.

türk döletliri teshkilatining qérindash dölet qazaqistan we  xelqini dawamliq qollaydighanliqi we hemkarliq asasida heriket qilidighanliqi tekitlengen bayanatta, rayon we rayon sirtida muqimliq we bixeterlik jehettin istiratégiyelik ehmiyiti nahayiti zor bolghan qazaqistanning tinchliqi we muqimliqining muhimliqi eskertildi, hayatlarni xewpke duchar qilghan,  jemiyet tertipini buzghan, mal-mülüklerge ziyan salghan zorawanliq we buzghunchiliq heriketliri eyiblinip, qazaqistan dairilirining jemiyet tertipi we ammiwi tertipni derhal eslige keltürüsh iqtidarigha ige ikenliki qeyt qilindi.

xelqara qanunning asasiy pirinsipliri we belgilimilirini qoghdashning muhimliqi tekitlengen bayanatta, qazaqistan hökümitining, térrorchilargha, radikal unsurlargha, esebiylik terepdarlirigha we jinayetchilerge qarshi  térrorizmgha qarshi  küresh heriketlirini dawamliq qollaydighanliqi eskertildi.

qazaqistan pirézidénti qasim jömert toqayéwning, qérindash dölet qazaqistan xelqining parawanliqini yenimu yüksek sewiyege yetküzidighan islahat kün tertipini qollaydighanliqimu bayan qilinghan bayanatta, qazaqistandiki özgirishler heqqide zich hemkarlishish we kéngishish asasida heriket qilish toghruluq birdeklik hasil qilghanliqi bildürüldi.

qazaqistan ezerbeyjan, türkiye, qirghizistan we özbékistan bilen birlikte türk döletliri teshkilatining 5 ezasi qataridin, türkmenistan bilen wéngiriye bolsa, türk döletliri teshkilatining közetküchi ezaliri qataridin orun alidu.

qazaqistanda 2 – yanwar küni suyuqlandurulghan néfit gazi (LPG) ning bahasining östürülüshi we döletning ijtimaiy-iqtisadiy weziyitining nacharlishishi qatarliq sewebler tüpeyli bashlanghan namayishlarda, dölet xewpsizlik küchliri xadimlirinimu öz ichige alghan onlarche kishi hayatidin ayrilghanidi.

qazaqistan pirézidénti qasim jömert toqayéw, namayishlarning jawabkari dep qarighan hökümetning istépasini qobul qilghanidi.

namayishlarning dairisining kéngiyip kétishi netijiside, dölet miqyasida jiddiy halet élan qilinghanidi.



مۇناسىۋەتلىك خەۋەرلەر