toqayéw: kolléktip xewpsizlik kélishimi teshkilati eskerliri ikki kündin kéyin chékinidu

türkiye awazi radiyosi xewiri: qazaqistan pirézidénti qasim jömert toqayéw parlaméntta qazaqistan weziyiti toghrisida muhim bayanatlarni berdi.

u qazaqistangha qarshi bir térrorluq urushi qilinghanliqini eskertip, térroristlargha qarshi herbiy heriketning eng qiyin qismining axirlashqanliqini we weziyetning muqimlashqanliqini bildürdi.

u qazaqistandiki weziyet sewebidin kolléktip xewpsizlik kélishimi teshkilatidin herbiy yardem telep qilghanliqlirini xatiriletti.

u: «qazaqistan qanunluq halda kolléktip xewpsizlik kélishimi teshkilatidin tinchliq küchini ewetishni telep qildi. bu qarar chiqirilghan waqitta, almutaning kontrolluqini pütünley yoqitip qoyush aldida turuwatattuq. almutani qoldin chiqirip qoyghan bolsaq, paytextni we arqidin pütkül döletni yoqitip qoyattuq» dédi.

u kolléktip xewpsizlik kélishimi teshkilati tinchliq küchining wezipisini muweppeqiyetlik axirlashturghanliqini tekitlep: «kolléktip xewpsizlik kélishimi teshkilatining tinchliq küchi ikki kündin qedem basquchluq halda qazaqistandin chékinishni bashlaydu, chékinish waqti eng köp bolghanda 10 kün bolidu» dédi.

kolléktip xewpsizlik kélishimi teshkilatining xewpsizlik kéngishi qazaqistangha 2 ming 300 esker we 250 herbiy üskünilerni orunlashturghan idi.