qazaqistanda tutqun qilinghanlarning sani ashti

türkiye awazi radiyosi xewiri: qazaqistan ichki ishlar ministirliqi bayanat élan qilip, dawamlishiwatqan heriketlerde tutqun qilinghanlarning sanigha munasiwetlik reqemlerni ashkarilidi.

bayanatta, 10-yanwardin tartip saqchilar teripidin tutqun qilinghan kishiler sanining 7 ming 939 gha chiqqanliqi qeyt qilindi.

almutadiki ikki bazarda 207 kishining tutqun qilinghanliqi eskertilgen bayanatta, herikette oghrilanghan besh dane aptomobil we kompiyutér, muzika üsküniliri bilen qorallarning qolgha chüshürülgenliki eskertildi.

qazaqistan dölet xewpsizlik komitéti almutadiki weqelerge qatnashqan ikki guruppining bir terep qilinghanliqini bildürdi.

mezkur guruppilarning 4-yanwardin 8-yanwarghiche sheherning jemiyet tertipini buzush weqelirige qatnashqanliqi we ularning makanida qoral-yaragh bilen diniy kitablarning tépilghanliqi qeyt qilindi.

qazaqistanning gherbide 2-yanwar (2022) suyuqlandurulghan gaz bahasining östürülüshi we dölettiki ijtimaiy, iqtisadiy weziyetning nacharliship ketkenlikini seweb qilip bashlanghan namayishlar, bashqa jaylarghimu kéngeydi.

kochilardiki namayishlarda, xewpsizlik tarmaqliri bilen namayishchilar otturisida toqunushlar yüz berdi. bolupmu, almuta shehiride xewpsizlik tarmaqliri saqchi we herbiy aptomobillargha ot qoyup, hökümet binalirigha kirgen namayishchilarni awaz bombisi étip tarqatti.

qazaqistan pirézidénti qasim jömert toqayéw partlighan namayishlargha hökümetning mesul ikenlikini bildürüp, hökümetning istépasini qobul qildi.

namayishlarning bezi rayonlargha kéngiyishi bilen, paytext nursultan, almuta shehiri we mangistaw ishtatlirida jiddiy halet élan qilindi.

arqidin uzun ötmey, jiddiy halet qazaqistanning bashqa rayonliridimu élan qilindi.

toqayéw 7-yanwar döletning barliq rayonlirida jemiyet tertipining qaytidin ornitilghanliqini bildürüp: «térroristlar hazirghiche qoral bilen puqralarning mal-mülüklirige dawamliq ziyan salmaqta» dégen idi.