qazaqistandiki weqelerde nazaretke élinghanlarning sani ashmaqta
qazaqistanda yéqilghu bahasining örlishi bilen yüz bergen weqelerde, qoshna we bashqa dölet puqralirinimu öz ichige alghan 5 ming 135 kishi nazaretke élindi.
türkiye awazi radiyosi xewiri: qazaqistan ichki ishlar ministirliqining bayanatida, dölet ichidiki heriketler jeryanida qolgha élinghanlargha dair melumat bérildi.
bayanatta, memliket miqyasida qolgha élinghanlar sanining 5 ming 135 ke yetkenliki, namayishlarda jamaet tertipini we döletning asasiy qanun tertipini qoghdash jeryanida yarilanghan bixeterlik qisimliri xadimliri sanining bolsa, 1300 din köp ikenliki bildürüldi.
bayanatta , 300 kishidin qoral chiqqanliqi we yanfon qatarliq oghrilanghan buyumlar, köp miqdarda pul bilen aptomobilda yaki piyade méngip chégradin ötmekchi bolghanda qolgha élinghanliqi uqturuldi.
bayanatta, «hazir döletning bixeterliki we tertipini qoghdash üchün, térorluqqa qarshi turush herikiti dawamlashmaqta. bügün döletning herqaysi rayonlirida weziyet muqimlashti. ilgiri tartiwilinghan barliq yerlik hökümet binaliri qutquzuldi» dégen sözler ishlitildi.
qazaqistanda tünügün nazaretke élinghanlarning sani 4266 kishi dep élan qilinghan bolup, bularning ichide qoshna dölet puqraliriningmu barliqi bildürülgen idi.
