qazaqistan pirézidénti milliy matem élan qilishni qararlashturdi
qazaqistan pirézidénti qasim jömert toqayéw 10 – yanwar küni milliy malem élan qilish toghruluq qarar chiqardi.
türkiye awazi radiyosi xewiri: qazaqistan pirézidént mehkimisi teripidin bu heqte élan qilinghan bayanatta, mundaq déyildi: «qazaqistanda ishlengen térrorluq weqeliri netijiside ölüm weqeliri körülgenliki seweblik, 10 – yanwar küni dölet miqyasida milliy matem élan qilinidu.»
bu ariliqta, paytext nursultanda kündilik hayat, jiddiy halet cheklimisi astida dawamlashmaqta.
paytextte, dölet miqyasida élan qilinghan «yüksek sewiyediki xewp agahlandurushi» sewebidin bixeterlik tedbirliri kücheytildi.
sheherde pirézidént mehkimisi sariyi aqordani öz ichige alghan barliq dölet binaliri we ammiwi muesseseler alahide qisimlar teripidin kéche - kündüz qoghdalmaqta.
paytextning barliq kirish – chiqish éghizlirigha saqchi kontrol nuqtiliri quruldi.
igilinishiche, chong soda – tijaret we köngül échish merkezliri, chayxanilar we réstoranlarning köpinchisi taqaq bolghan sheherde, peqet kichik dukanlardinla nerse – kérek sétiwélishqa bolidiken.