toqayéw: jemiyet tertipi asasiy jehettin saqlandi

qazaqistan pirézidénti qasim jömert toqayéw dölette jemiyet tertipining asasiy jehettin qayta saqlaghanliqini éytti.

1758612
toqayéw: jemiyet tertipi asasiy jehettin saqlandi

türkiye awazi radiyosi xewiri: roytérs agéntliqining xewer qilishiche, qazaqistan dölet téléwiziyesi, dölette jemiyet tertipining asasiy jehettin qayta saqlanghanliqini éytqan pirézidént toqayéwning bügün (2022-yili 7-yanwar) xelqqe xitab qilidighanliqini uqturghan.

yene bir tereptin, qazaqistan ichki ishlar ministirliqi namayishlar esnasida qaza qilghan dölet xewpsizlik küchliri sanining 18 ge yetkenlikini jakarlidi.

qazaqistanda suyuqlandurulghan tebiiy gaz (LNG) bahasining östürülüshi we döletning iqtisadiy-ijtimaiy weziyitining yamanliship kétishi qatarliq sewebler tüpeylidin bashlanghan namayishlar, eng chong sheher almutada zorawanliq heriketliri we qoralliq toqunushlargha aylinip ketkenidi.

pirézidént qasim jömert toqayéw namayishlarning otturigha chiqishining jawabkari dep qarighan hökümetning istépasini qobul qilghan, weqelerning dairisining kéngiyip kétishi netijiside, jiddiy halet élan qilghanidi.



مۇناسىۋەتلىك خەۋەرلەر