توقايېۋ: جەمئىيەت تەرتىپى ئاساسىي جەھەتتىن ساقلاندى
قازاقىستان پىرېزىدېنتى قاسىم جۆمەرت توقايېۋ دۆلەتتە جەمئىيەت تەرتىپىنىڭ ئاساسىي جەھەتتىن قايتا ساقلاغانلىقىنى ئېيتتى.
تۈركىيە ئاۋازى رادىيوسى خەۋىرى: رويتېرس ئاگېنتلىقىنىڭ خەۋەر قىلىشىچە، قازاقىستان دۆلەت تېلېۋىزىيەسى، دۆلەتتە جەمئىيەت تەرتىپىنىڭ ئاساسىي جەھەتتىن قايتا ساقلانغانلىقىنى ئېيتقان پىرېزىدېنت توقايېۋنىڭ بۈگۈن (2022-يىلى 7-يانۋار) خەلققە خىتاب قىلىدىغانلىقىنى ئۇقتۇرغان.
يەنە بىر تەرەپتىن، قازاقىستان ئىچكى ئىشلار مىنىستىرلىقى نامايىشلار ئەسناسىدا قازا قىلغان دۆلەت خەۋپسىزلىك كۈچلىرى سانىنىڭ 18 گە يەتكەنلىكىنى جاكارلىدى.
قازاقىستاندا سۇيۇقلاندۇرۇلغان تەبىئىي گاز (LNG) باھاسىنىڭ ئۆستۈرۈلۈشى ۋە دۆلەتنىڭ ئىقتىسادىي-ئىجتىمائىي ۋەزىيىتىنىڭ يامانلىشىپ كېتىشى قاتارلىق سەۋەبلەر تۈپەيلىدىن باشلانغان نامايىشلار، ئەڭ چوڭ شەھەر ئالمۇتادا زوراۋانلىق ھەرىكەتلىرى ۋە قوراللىق توقۇنۇشلارغا ئايلىنىپ كەتكەنىدى.
پىرېزىدېنت قاسىم جۆمەرت توقايېۋ نامايىشلارنىڭ ئوتتۇرىغا چىقىشىنىڭ جاۋابكارى دەپ قارىغان ھۆكۈمەتنىڭ ئىستېپاسىنى قوبۇل قىلغان، ۋەقەلەرنىڭ دائىرىسىنىڭ كېڭىيىپ كېتىشى نەتىجىسىدە، جىددىي ھالەت ئېلان قىلغانىدى.
مۇناسىۋەتلىك خەۋەرلەر
شىۋېيتسارىيەدە تۈرك ھەپتىلىكى پائالىيىتى ئۆتكۈزۈلمەكتە
شىۋېيتسارىيەنىڭ جەنۋە شەھىرىدە تۈرك ھەپتىلىكى پائالىيىتى ئۆتكۈزۈلمەكتە.
ئەرمېنىيە تۆت يېزىسىنى ئەزەربەيجانغا قايتۇرۇپ بېرىشنى قوبۇل قىلدى
ئەرمېنىيە 1-قاراباغ ئۇرۇشىدا ئىشغال قىلىۋالغان 4 يېزىنى ئەزەربەيجانغا قايتۇرۇپ بېرىشنى قوبۇل قىلدى.