қирғизистан қазақистанға әскәр әвәтиш қарарнамиси мақуллиди

қирғизистанниң қазақистанға әскәр әвәтишиниң йолини ачқан қарарнамә қирғизистан парламенти омумий кеңишидә қобул қилинди.

1758888
қирғизистан қазақистанға әскәр әвәтиш қарарнамиси мақуллиди

түркийә авази радийоси хәвири: қирғизистан парламенти омумий кеңиши, колликтип бихәтәрлик шәртнамиси тәшкилати тинчлиқ сақлаш қисми даирисидә, қазақистанниң нөвәттики вәзийити сәвәбидин қирғиз әскәрләрниң қазақистанға әвәтилишигә мунасивәтлик қарарнамини музакирә қилиш үчүн пәвқуладдә йиғин чақирди.

қирғизистан пирезиденти садир җаппаровниң тәстиқлишидин кейин министирлар кеңиши тәрипидин парламентқа сунулған вә парламент омумий кеңишидә талаш - тартиш қилинған қарарнамә, йепиқ олтурушлардин кейин, көп санлиқ парламент әзалириниң қоллап аваз бериши нәтиҗисидә қобул қилинди.

қирғизистанниң қазақистанға әскәр әвәтишиниң йолини ачқан бу қарарнамә арқилиқ, алдинқи һәптә қәсәм ичип вәзипә өтәшкә башлиған 7 – нөвәтлик парламент, тунҗи қарарини чиқарған болди.

йәнә бир тәрәптин, парламент пәләмпәйлиридә топланған бир гуруппа, қирғизистанниң қазақистанға әскәр әвитишиниң йолини ачқан қарарнамигә наразилиқ билдүрди.

қирғизистанниң, колликтип бихәтәрлик шәртнамиси тәшкилати тинчлиқ сақлаш қисми даирисидә қазақистанға 150 әскәр әвәтидиғанлиқи билдүрүлгәниди.



مۇناسىۋەتلىك خەۋەرلەر