mustafa shentop qazaqistandiki weqeler heqqide bayanat élan qildi
türkiye büyük millet mejlisi (parlaménti) reisi mustafa shentop özlirining qazaqistandiki weqelerni qayghurush ichide yéqindin közitiwatqanliqini bildürdi.
türkiye awazi radiyosi xewiri: mustafa shentop: «türkiye hemishe qazaqistanning yénida turidu» dédi.
türkiye büyük millet mejlisi (parlaménti) reisi mustafa shentop tiwittér hésabida élan qilghan bayanatida, «dost we qérindash dölet qazaqistandiki weqelerni qayghurush ichide yéqindin közitiwatimiz. qazaqistan döliti we qérindash qazaqistan xelqining eqil-paraset bilen bu qiyin künlerni yéngip, tézdin tinchliq we muqimliqqa érishidighanliqigha ishinimiz. türkiye her daim qazaqistannning yénida turidu» dédi.
türkiye tashqi ishlar ministirliqimu tünügün élan qilghan bayanatida, qazaqistandiki weqelerning baldurraq tinchlinishini ümid qildighanliqi bildürgen idi.
bayanatta, «biz qazaqistan hökümitining bu krizisni yéngidighanliqigha toluq ishinimiz» dégen idi.
