tatar: marash rayoni kishilik hoquqqa uyghun shekilde échiwétildi

shimaliy qibris türk jumhuriyiti jumhur reisi ersin tatar 2020 – yili öktebirde tedrijiy échilish basquchi bashlanghan shimaliy qibris chégraliri ichidiki marash rayonining aridin 46 yil ötkendin kéyin kishilik hoquqqa uyghun shekilde échilghanliqini éytti.

1757288
tatar: marash rayoni kishilik hoquqqa uyghun shekilde échiwétildi

türkiye awazi radiyosi xewiri: jumhur reis ersin tatar,  köchmes mülük komitétining reisi nöwber ferit wejhini qoqbul qilghanda bergen bayanatida, köchmes mülük komitétining muhim wezipisi barliqini, rum terepning puqralirigha, « köchmes mülük komitétigha iltimas sunmanglar» teriqiside bésim ishlitishining toghra pozitsiye emeslikini eskertish bilen bir waqitta, 2020 – yili öktebirde tedrijiy échilish basquchi bashlanghan shimaliy qibris chégraliri ichidiki marash rayonining, aridin 46 yil ötkendin kéyin, kishilik hoquqqa uyghun shekilde échilghanliqini, bu heqtiki belgilimilerning pütkül dunya bilen ortaqlishilghanliqini tekitlep mundaq dédi: «iltimas sunulghan teqdirde, köchmes mülük komitéti teripidin qarap chiqilidighanliqini bildürduq, marashning salahiyiti herbiy rayondin puqrawi rayongha özgertildi, bu heqte ishliniwatqan xizmetlerning süritimu tézleshtürülidu. shuni alahide tekitlep ötimenki, marash rayonining échilishi, siyasiy jehettin tashlanghan muhim bir qedemdur.»

shimaliy qibris türk jumhuriyitide 2019 – yili 18 – iyun küni chaqirilghan ministirlar kéngishi yighinida, 1974 – yildin buyan taqaq halette turuwatqan marash rayonining échiwétilishi mesiliside qedemlerning tashlinishi we mutexessisler guruppisi bilen ilmiy tetqiqat élip bérilishi qarar qilinghanidi.



مۇناسىۋەتلىك خەۋەرلەر