qirghizistanda 7-nöwetlik parlamént ezaliri qesem berdi

qirghizistanda 28-noyabir ötküzülgen chong saylamdin kéyin, 7-nöwetlik parlamént ezaliri qesem bérish murasimigha qatnashti.

1754396
qirghizistanda 7-nöwetlik parlamént ezaliri qesem berdi

türkiye awazi radiyosi xewiri: intimak (ittipaq) partiyesining parlamént ezasi sarapatkan majitowa eng yashanghan parlamént ezasi bolush süpiti bilen parlaméntqa  waqitliq reis boldi.

sarapatkan majitowa saylanghan ezalarning xelq we döletning menpeeti üchün yaxshi xizmet qilishini tilidi.

dölet marshini oqush bilen bashlanghan murasimda, merkizi saylam komitétining reisi nurjan shaydabékowa parlamént ezalirigha ezaliq guwahnamilirini teqdim qildi.  

guwahnamilirini tapshuruwalghan parlamént ezaliri qolini dölet asasi qanuni kitabining üstige qoyup qesem berdi.

parlaméntqa ata yurt qirghizistan partiyesining 15, ishenim partiyesining 12, intimak (ittipaq) partiyesining 9, alyans partiyesining 7, pütün qirghizistan partiyesining 6 we iman nuru  partiyesining 5 ezasi wekillik qilidu.

shundaq qilip, 90 kishilik parlaméntta, 54 orunni siyasiy partiyeler, 36 orunni musteqil kandidatlar igiligen boldi.

buningdin bashqa yene, bishkekning ikki rayonida musteqil namzatlar riqabetleshken saylamni kéler yilining béshida yéngilash qarar qilindi.



مۇناسىۋەتلىك خەۋەرلەر