nezerbayéf: qazaqlar wetinini qoghdiyalidi
qazaqistanning qurghuchi sabiq pirézidénti nursultan nezerbayéw sowétler ittipaqidiki 70 yilliq ezaliqning döliti üchün paydiliq bolmighanliqini bildürdi.
türkiye awazi radiyosi xewiri: sabiq pirézidént nursultan nezerbayéw «musteqil qazaqistan géziti» de élan qilghan «musteqilliq tejribe-sawaqliri» témiliq maqaliside, dölitining 30 yilliq musteqilliq musapisi üstide toxtaldi.
u musteqilliqqe dölitining eng muqeddes meniwi bayliqi dep baha berdi.
u mundaq dédi:
«16-dékabirda eng muqeddes meniwi bayliqimiz bolghan dölitimizning musteqilliq küni- dölet bayrimini tebrikleymiz. buningdin 30 yil muqeddem dunya qarishimiz we kimlikimiz asasida angliq halda erkinlikni talliduq. mezkur jeryan insaniyet tarixi üchün nahayiti qisqa bolsimu, emma qazaqistan üchün ghayet zor musape téshi hésablinidu.»
u qedimki waqitlarda sak, hun, kéyinche qehriman türk ejdadlirining payansiz zéminlarda chong uluslarni qurup chiqqanliqini xatirilitip: «keng kölemlik urush we muressesiz düshmenlikler sewebidin nurghun xelqler köchüp ketti. qazaqlar qumgha kömülüp ketken tashlargha oxshash, parche-parche bolup ketken qiyin waqitlardimu, esli yurtini we türk xelqlirining ata yurtini qoghdiyalidi» dédi.
u ötken esirde xelqining «éghir acharchiliq» weqeliri, ikkinchi dunya urushi we stalin hökümitining qanliq basturushliri qatarliq apetlerdin kéyin, her xil iqtisadiy mesililerge qarshi küresh qilghanliqini alahide tekitlidi.
u: «sabiq sowétler ittipaqidiki 70 yilliq musapimiz dölitimizge paydiliq bolmidi» dédi.
u musteqil qazaqistanning yashliqining musteqilliqqe tutashqan yolining qanchilik azabliq ikenlikini bilishi kéreklikini tekitlep: «bu ötmüshke hörmet qilip, uningdin sawaq élish lazim. shuning üchün musteqilliqimizni ata-bowilirimizning qéni bilen kelgen muqeddes bayliq deymen» dédi.
