ئەزەربەيجانلىق ئۇچقۇچىلار ھۈرقۇش بىلەن ماھارەت كۆرسەتتى

تۈركىيە ئاۋازى رادىيوسى خەۋىرى: ئەزەربەيجان دۆلەت مۇداپىئە مىنىستىرلىقى، ئىككى دانە ھۈرقۇش ئايروپىلانىنىڭ نومۇر كۆرسىتىشى ئۈچۈن باكۇغا ئېلىپ بېرىلغانلىقىنى، تۈرك ۋە ئازەرى ئۇچقۇچىلىرىنىڭ ھۈرقۇشلار بىلەن ئۇچۇپ، ماھارەت كۆرسەتكەنلىكىنى ئۇقتۇردى.

ماھارەت كۆرسىتىش ئۇچۇشىنى ئەزەربەيجان ھاۋا ئارمىيەسى قوماندانى لېيتېنانت گېنېرال رامىز تاھىروف، تۈركىيەنىڭ باكۇدا تۇرۇشلۇق باش ئەلچىسى جاھىت باغجى، ھەربىي ئەترەت بىرىگادا كوماندىرى زەكەرىيا يالچىن ۋە باشقا ئەمەلدارلارنىڭ كۆرگەنلىكى بىلدۈرۈلدى.

ئۇچقۇچىلار ئايروپىلاندىن چۈشۈش ئەسناسىدا تۈرك ۋە ئەزەربەيجان بايراقلىرىنى لەپىلدەتتى. ماھارەت كۆرسىتىش پائالىيىتىدىن كېيىن مېھمانلارغا ھۈرقۇش ھەققىدە مەلۇمات بېرىلدى.