ezerbeyjan-erméniye chégrasidiki toqunush toxtidimu?

türkiye awazi radiyosi xewiri: rusiye dölet mudapie ministirliqiining yazma bayanatida, ezerbeyjan we erméniye chégrasidiki weziyetni muqimlashturush üchün qedemlerning tashlanghanliqi bildürdi.

bayanatta, «hazir qarakilisede toqunush toxtidi, weziyet normal haletke keldi we kontrolluq astigha élindi» déyildi.

erméniye dölet mudapie ministirliqimu bayanatida, «rusiyening muresse qilishi bilen ezerbeyjan-erméniye chégrasida shu yerning waqti 17:30 ötkendin bashlap urush toxtitish élan qilindi» dégen sözlerge orun ajratti.

yene bir tereptin, rusiye pirézidénti wiladimir putin erménye bash ministiri nikol pashinyan bilen ezerbeyjan-erméniye chégrasidiki jiddiylikni muzakire qildi.

krémil sariyining yazma bayanatida, «ikki rehber alaqini saqlashqa kélishti» dégen ibariler ishlitildi.

rusiye dölet mudapie ministiri sérgéy shoygumu ezerbeyjan-erméniye chégrasidiki jiddiylik toghrisida ezerbeyjan dölet mudapie ministiri zakir hesenow we erméniye dölet mudapie ministiri surén papikyan bilen téléfonda söhbetleshti.

rusiye dölet mudapie ministirliqining bayanatida, ezerbeyjan-erméniye chégrasidiki jiddiylikning muzakire qilinghanliqi tekitlinip, «shoygu her ikki terepni jidiychilikni ulghaytidighan heriketlerni toxtitishqa chaqirdi» déyildi.

rusiye tashqi ishlar ministirliqining bayanatida bolsa, weziyetni tinchlandurush üchün baku we éréwan dairiliri bilen alaqilishshni dawamlashturidighanliqi bildürüldi.

bu arliqta, birleshken döletler teshkilati bash katipi bayanatchiliridin ferxan heq erméniye bilen ezerbeyjan otturisidiki jiddiychilikni endishe ichide közitiwatqanliqini bildürdi.

ferxan heq her ikki döletni 2020-yili 9- noyabir we 11- yanwarda élan qilinghan bayanat we kélishimde ching turushqa, endishilerni diyalog arqiliq tinch yol bilen hel qilishqa we mötidillikke chaqirip, «ilgiri yüz bergendek jiddiychilikning ewj élishini körüshni xalimaymiz» dédi.

amérika tashqi ishlar ministiri billinkénmu ezerbeyjan bilen erméniye otturisidiki toqunushtin ensireydighanliqini we tereplerni jiddiylikni peseytishke chaqirghanliqini élan qildi.

erméniye armiyesi tünügün shu yerning waqti saet 11:00 de chégradiki bir qisim choqilarni igilesh we téximu paydiliq orunlargha érishish meqsitide lachin we kelbejer rayonlirigha qarita herbiy  heriket élip barghan, hujumda ikki neper ezerbeyjan eskiri yarilanghan idi.

ezerbeyjan armiyesimu oxshash yönilishte heriket élip bérip, hujum qilghan erméniye eskerlirini nazaretke alghan idi.