өзбекстанда сайламниң рәсмий нәтиҗилири елан қилинди

түркийә авази радийоси хәвири: өзбекстан мәркизий сайлам комитетиниң башлиқи зайниддин низамхоҗайев мухбирларни күтүвелиш йиғинида, пирезидентлиқ сайлиминиң рәсмий нәтиҗилирини елан қилди.

у сайламда %80.12 авазға еришкән, либерал демократ партийәси намзат көрсәткән һазирқи пирезидент шәвкәт мирзайевниң ғәлибә қилғанлиқини җакарлиди.

у шәвкәт мирзайевниң 12 милйон 988 миң 964 авазға еришкәнликини билдүрди.

у йәнә, екологийә партийәсиниң намзати нарзуллаһ обломурадовниң %4.14 авазға, хәлқ демократ партийәсиниң намзати мәқсуда ворисованиң %6.63 авазға, адаләт иҗтимаий демократ партийәсиниң намзати бәһрам абдуиамиловниң %3.39 авазға еришкәнликини билдүрди.

у пирезидентлиқ сайлимида 16 милйон 212 миң 343 сайлиғучиниң аваз ташлиғанлиқини әскәртип, сайламға қатнишиш нисбитиниң %80.4 кә йәткәнликини қәйт қилди.