ezerbeyjan: manéwir rayonning muqimliqini qoghdashqa paydiliq

türkiye – ezerbeyjan armiyelirining erméniye ishghalidin azad qilinghan lachin wilayitide ötküzgen birleshme herbiy manéwirining rayonning muqimliqini qoghdashqa paydiliq ikenliki bildürüldi.

1704757
ezerbeyjan: manéwir rayonning muqimliqini qoghdashqa paydiliq

türkiye awazi radiyosi xewiri: ezerbeyjan tashqi ishlar ministirliqi bayanatchisi leyla abdullayéwa yazma bayanat élan qilip, erméniye tashqi ishlar ministirliqining türkiye bilen ezerbeyjanning lachin rayonidiki herbiy manéwirini eyibligen bayanatigha inkas qayturdi؛ xelqara teripidin étirap qilinghan chégralar ichide her xil manéwirlarni ötküzüshining her qandaq döletning igilik hoquqining bir parchisi ikenlikini tekitligen bayanatchi abdullayéwa: «ezerbeyjan bügüngiche öz zéminlirida shérik döletlerning ishtirak qilishi bilen nurghun herbiy manéwirlarni ötküzdi. lachinda ötküzülgen herbiy manéwirmu shuninggha oxshash bir qedem bolup, rayonning muqimliqini saqlashqa paydiliqtur» dédi.

u, erméniyening uzun yillar dawamlashqan ishghal we hujumchi siyasetlirining xelqaraning tinchliq we bixeterlikige xewp yetküzgen amil bolup kelgenlikini qeyt qildi.

türkiye bilen ezerbeyjan armiyeliri 6 - séntebirde lachinda birleshme herbiy manéwir ötküzüshni bashlighan bolup, erméniye tashqi ishlar ministirliqi bu manéwirning rayonning tinchliq wemuqimliqigha xewp élip kelgenlikini ilgiri sürgenidi.



مۇناسىۋەتلىك خەۋەرلەر