ئەزەربەيجان تۈركىيەگە تەزىيە بىلدۈردى

تۈركىيە ئاۋازى رادىيوسى خەۋىرى: ئەزەربەيجان تاشقى ئىشلار مىنىستىرى جەيھۇن بايراموۋ تىۋىتتېردىكى ئادرېسىدا بايانات ئېلان قىلىپ، تۈركىيەدىكى دالا ئوت ئاپەتلىرىنىڭ داۋاملىشىۋاتقان بولۇشى ۋە بۇ ئاپەتلەردە پۇقرالارنىڭ جېنىدىن ئايرىلغانلىقىدىن قايغۇرغانلىقىنى بىلدۈردى.

ئوت ئاپەتلىرىدە ھاياتىدىن ئايرىلغانلارغا ئاللاھتىن رەھىم-شەپقەت تىلىگەن بايراموۋ: «بىز مۇشۇنداق قىيىن كۈنلەردە قېرىنداش تۈركىيەنىڭ يېنىدا تۇرىمىز ۋە ھەر خىل ياردەملەرنى بېرىشكە تەييارمىز» دېگەنلەرنى قەيت قىلدى.