shimaliy qibris türk jumhuriyiti «yépiq marash» toghrisida bayanat élan qildi
shimaliy qibris türk jumhuriyiti jumhur reislik mehkimisi «yépiq marashning her qandaq bir qarar bilen bashqa bir hökümetke ötküzüp bérilishining mumkin emesliki»yni uqturdi.
türkiye awazi radiyosi xewiri: shimaliy qibris türk jumhuriyiti jumhur reislik mehkimisi yazma bayanat élan qilip, shimaliy qibris türk jumhuriyiti ichki kabiniténing 2019 - yili qarar maqullap, marashni échishqa alaqidar deslepki siyasetni békitip ijra qilishqa bashlighanliqini eslitip ötti.
bayanatta: «shimaliy qibris türk jumhuriyitining zémini bolghan yépiq marash, qibris mesilisining esiri bolushtin azad qilinip, turmushning bir parchisigha aylandurulidu. yépiq marashning her qandaq bir qarar bilen bashqa bir hökümetke ötküzüp bérilishi mumkin emes» déyildi.
bayanatta: «shimaliy qibris türk jumhuriyitining héchkimning heq - hoquqini tartiwélish niyiti yoq. eksiche, marashni échiwétish siyasitimizdinmu chiqip turghinidek, uzun yillardin buyan kütüp turuwatqan heqdarlarni heqlirige érishtürüsh siyasiti ijra qilinmaqta» dégen ibarilerge orun bérildi.
yawropa ittipaqining aral toghrisidiki pozitsiyesining qibris rim siyasiti we qarashlirini tekrarlashtin ibaret ikenlikini namayan qilghanliqigha isharet qilinghan bayanatta: «qibrista adil, shundaqla sijil yarishish ikki terepning erkin iradisi bilen hasil qilinidighan ortaq kélishimlerdin kéyin ötküzülidighan söhbetler netijiside ottorigha chiqidu. bu nuqtida ikki terepning barawerliki hel qilghuch ehmiyetke ige... chare peqet we peqet ikki terepning kélishishi arqiliqla otturigha chiqidu. yawropa ittipaqini öz ichige alghan barliq terepler bu pirisipni chöridigen halda pozitsiyesini otturigha qoyushi we bu nuqtini közde tutup bayanat bérishi kérek» déyildi.
