qazaqistanda tunji qétim nahiye hakimliri xelq teripidin saylinidighan boldi
qazaqistanda ölke waliyliri teripidin teyinlinidighan nahiye hakimliri tunji qétim bügün ötküzülidighan saylamda xelq teripidin belgilinidighan boldi.
türkiye awazi radiyosi xewiri: qazaqistan merkizi saylam komitétining bayanatida, dölet miqyasida 1847 bélet sanduqi qurulghanliqi we 1 milyon 210 ming saylighuchining bélet tashlaydighanliqi bildürüldi.
dölet miqyasidiki 730 nahiye hakimi tunji qétim xelqning bélet tashlishi arqiliq belgilinidighan saylamda, jemiy 2 ming 582 namzat riqabetke chüshidu. saylam netijisi 3 kün ichide élan qilinidu.
qazaqistan pirézidénti qasim jomert toqayéw ötken yili ammigha qilghan xitabida, dölet ichidiki nahiye hakimlirining xelq teripidin saylinishi kéreklikige dair teklipini otturigha qoyghan we ötken yili mayda bu teklipning yolgha qoyulushi üchün zörür bolghan qanun layihesini testiqlighan idi.
toqayéwning bildürishiche, omumiy nopusning 40 pirsenti yéza-qishlaqlarda yashaydighan bolup, mezkur saylamlar döletning siyasiy zamaniwilishishidiki muhim bir basquch bolidiken.
مۇناسىۋەتلىك خەۋەرلەر
shiwéytsariyede türk heptiliki paaliyiti ötküzülmekte
shiwéytsariyening jenwe shehiride türk heptiliki paaliyiti ötküzülmekte.
