özbékistanda kowid-19 waksinisi bezi xadimlar üchün mejburi halgha keltürüldi

özbékistanda kowid-19 waksinisi hökümet organliri we mulazimet tarmaqliridiki xadimlar üchün mejburi halgha keltürüldi.

1676976
özbékistanda kowid-19 waksinisi bezi xadimlar üchün mejburi halgha keltürüldi

türkiye awazi radiyosi xewiri: özbékistanning wuxen wirusigha qarshi küresh komitétining qarari bilen hazirgha qeder memlikette ixitiyari halda emliniwatqan waksina bir qisim  emeldarlar we kespiy xadimlar üchün mejburi halgha keltürüldi.

waksina emlesh mejburi halgha keltürülgen kishiler töwendikiche:

sehiye xadimliri, oqutquchilar, eskerler, saqchilar, banka xadimliri, dölet guwahliqi orgini xadimliri, pochtixana xadimliri, qehwexana xadimliri, setirachlar, soda saray xadimliri, sayahet we bashqa mulazimet tarmaqlirining wekilliri we hökümet organliri xadimliri.

bu qarar bilen munasiwetlik emeldarlar we kespiy xadimlar choqum 9-ayning 1-künigiche kowid -19 waksinisining birinchi miqdari bilen emlinishi, 10-ayning 1-künigiche ikkinchi miqdari bilen emlinishi we  1-noyabirghiche üchinchi miqdari bilen emlinishi lazim.

komitét yene dölette ötküzülüsh alidida turghan uniwérsitétqa kirish imtihanining usti ochuq yerde ötküzülishi kéreklikini qarar qildi.

komitétning qararigha asasen, dölet miqyasidiki qehwexana, ashxana we réstoranlar shu yerning waqti kech saet 20 giche usti ochuq yerde paaliyet qilalaydu.

özbékistanda kowid-19 gha qarshi waksina emlesh aprélda bashlanghan bolup, özbékistangha hazirgha qeder xitayda ishlengen «ZF2001» waksinisidin 6 milyon 500 ming, astrazénéka bilen hemkarliship ishlepchiqirilghan  «Vaxzevria» waksinisidin 660 ming, «Sputnik V» waksinisidin 370 ming  bolup, jemiy 7 milyon 530 ming waksina yétip kelgen weziyette turmaqta.

özbékistan sehiye ministirliqining bayanatigha asaslanghanda, hazirgha qeder memliket miqyasida jemiy 5 milyon 521 ming kishige waksina emlengen.



مۇناسىۋەتلىك خەۋەرلەر