faxrettin alton girétsiye metbuatlirigha qibris mesilisi heqqide muhim söz qildi

jumhur reislik uchur - alaqe idarisi bashliqi faxrettin alton qibris mesilisining eng emeliy hel qilish charisining shimaliy qibris türk jumhuriyiti jenubiy qoshnisi bilen barawer hoquqqa ige bolghan ikki döletlik hel qilish charisi ikenlikini éytti.

1676952
faxrettin alton girétsiye metbuatlirigha qibris mesilisi heqqide muhim söz qildi

türkiye awazi radiyosi xewiri: faxrettin alton girétsiyening «katémérini» gézitige bergen bayanatida, türkiyening özige munasiwetlik barliq rayonlarda mesililerni dialog arqiliq hel qilishini we tinchliqning hakim bolishini xalaydighanliqini tekitlep, buning qibris mesilisi üchünmu küchke ige ikenlikini éytti.

faxrettin alton ikki xelqning birlikte yashash mumkinchilikining rim terep yawropa ittipaqigha qobul qilinghan küni axirlashqanliqini,  lékin türkiyening buninggha qarimastin uzun yillardin béri yaxshi niyet bilen tirishchanliq körsetkenlikini eskertip: «emma yaxshi niyetningmu chéki bar, emdilikte bir ögzining astida yashashning mumkin emeslikini hemmeylen körmekte» dédi.

faxrettin alton bu basquchtin étibaren, araldiki ikki xelqning peqet ikki qoshna döletning puqraliri bolush süpiti bilenla tinchliq ichide yashiyalaydighanliqini tekitlep: «eger biz bu toqunushni balilirimizgha miras qaldurushni xalimaydighan bolsaq, undaqta eng emeliyetchil hel qilish charisi؛ shimaliy qibris türk jumhuriyiti jenubiy qoshnisi bilen barawer hoquqqa ige bolghan ikki döletlik hel qilish charisidur» dédi.

faxrettin alton bir qisim girétsiye siyasionlirning rim terep siyasionliri bilen birlikte türkiye we qibris türklirining heq - hoquqigha sel qaraydighan chong geplerni ilgiri sürgenlikini tekitlep yene mundaq dédi:

«xelqara qanungha mas kelmeydighan bu dawalirini girétsiye xelqige goya alliburun ular ige bolghan hoquqtekla sundi. shuning bilen bir waqitta yene, bu dawalirini yawropa ittipaqi ezaliqigha tayanghan asasta netijige érishtürüshke urundi. türkiyemu hem özining hem qibris türklirining xelqara qanundin kélip chiqqan heq - hoquqini qoghdash üchün kéreklik qedemlerni tashlidi. bügünki künde undaq pilanning ishendürüsh küchi yoqtur. heqqeniyetkimu uyghun emes. shunglashqa rim tereptin kütidighinimiz, emdi yoghan geplerde tersaliq qilmay, rayonning bayliqliridin birlikte,  tinch usulda paydilinishning yollirini chünüshidür»



مۇناسىۋەتلىك خەۋەرلەر