özbékstan afghanistan chégrasida manéwir bashlidi
özbékstan armiyesi afghanistan chégrasi etrapidiki tirmizi rayonida herbiy telim-terbiye manéwiri bashlandi.
türkiye awazi radiyosi xewiri: özbékstan dölet mudapie ministirliqi afghanistan chégrasi etrapidiki tirmizi rayonida herbiy manéwir bashlanghanliqi toghrisida bayanat élan qildi.
bayanatta bildürülishiche, tirmizi rayonida nurghun esker, herbiy aptomobillar, tik uchar we ayropilanlar qatnashturulghan telim-terbiye manéwiri bashlanghan. manéwirda, armiyening herbiy teyyarliqliri közdin kechürülidighan bolup, eskerlerning jeng meydanidiki qabiliyetlirini tereqqiy qildurush we herbiy qisimlarning heriketlirini özara maslashturush meqset qilinidiken.
manéwirning sénariyesi boyiche, orni bayqalghan düshmen, quruqluq we hawadin qilinidighan hujumlar bilen bitchit qilinidiken.
özbékstan tashqi ishlar ministirliqi tünügün (2021-yili 24-iyun) bayanat élan qilip, afghanistandiki, bolupmu özbékstanning shimalidiki herbiy we siyasiy weziyetning yéqindin közitiliwatqanliqini, qoshna dölette yüz bériwatqan zorawanliqlarning kishini endishege salidighanliqini bildürgen idi.
