qirghizistan pirézidénti japparow t r t ning ziyaritini qobul qildi

qirghizistan pirézidénti sadir japparow dunya téléwiziyeliri arisida tunji qétim türkiye radiyo – téléwiziye orgini (TRT) ning ziyaritini qobul qildi.

1635187
qirghizistan pirézidénti japparow t r t ning ziyaritini qobul qildi

türkiye awazi radiyosi xewiri: japparow, «‹TRT Avaz› téléwiziye qanili» ning «yawroasiya mexsus pirogrammisi» da, joshqun özenning soallirigha jawab bergende, türkiye – qirghizistan munasiwetliri toghruluq toxtilip, ikki dölet otturisida yéngi bir dewrning bosughisida turuwatqanliqlirini eskertti, hemde türkiye – qirghizistan munasiwetlirining burundin tartipla qérindashliq munasiwetlirige asaslinidighanliqini tekitlep mundaq dédi: «bizning ming yilliq ortaq tariximiz bar, shu wejidin, türkiye we bashqa türkiy döletler bilen bolghan munasiwetlirimizni qérindashlarche shekillendürüsh üchün tirishchanliq körsitimiz.»

türk dunyasida téximu aktip bir qirghizistan bolidighanliqini éytqan japparow, türkiy tilda sözlishidighan döletler parlamént ezaliri mejlisi we xelqara türk medeniyiti teshkilati (türksoy) ning nahayiti muhimliqini, qirghizistanning bu teshkilatlarning aktip ezasi ikenlikini tekitlidi.

türkiye radiyo – téléwiziye orginini yéqindin közitiwatqanliqlirini qeyt qilghan japparow, qirghizistan döletlik téléwiziye qanili (KTRK) ning t r t bilen ortaq paaliyet élip bérish mümkinchilikining barliqini tekitlidi.

u yene, ikki  téléwiziye qanili ortaq paaliyet élip bérishni qarar qilghan teqdirde, her jehettin tégishlik yardem bérishke teyyar ikenlikinimu sözlirige ilawe qildi.



مۇناسىۋەتلىك خەۋەرلەر