pirézidént japarow toqunush rayonidin ayrilghan xelqni yurt - makanlirigha qaytishqa chaqirdi

qirghizistan pirézidénti sadir japarow, qirghizistan - tajikistan chégrasidiki toqunush sewebidin öy-makanliridin ayrilghan 27 mingdin artuq puqrani «yurtigha qaytishqa» chaqirdi.

1632706
pirézidént japarow toqunush rayonidin ayrilghan xelqni yurt - makanlirigha qaytishqa chaqirdi

türkiye awazi radiyosi xewiri: qirghizistan pirézidénti sadir japarow, 1- may hasil qilinghan qirghizistan - tajikistan «urush toxtitish» kélishimidin kéyin ammigha xitab qildi.

u, qirghizistan - tajikistan chégrasidiki toqunush sewebidin 27 mingdin artuq puqraning yurt - makanliridin ayrilghanliqigha isharet qilip: «men her bir ailini qutratquluqlargha qulaq salmay, turalghulirigha qaytishqa chaqirimen» dédi.

pirézidént japarow, weqeler jeryanida buzghunchiliqqa uchrighan we ot qoyuwétilgen öylerning dölet teripidin rémont qilinidighanliqini wede qildi.

alaqidar emeldarlar, rayon weziyitining kontrol astida ikenlikini bildürdi.

4- ayning 28- küni golownoy dep atilidighan su teqsimlesh torini kontrol qilish sewebidin yüz bergen toqunushta, ikki tereptin 49 adem qaza qilghan, 260 din artuq adem yarilanghanidi.

rayonda yashaydighan 27 mingdin artuq qirghizistan puqrasi yurt – makanlirini tashlap bixeter jaylargha ketkenidi.

ikki dölet hökümetliri 1 – mayda «urush toxtitish» we eskerlerni gazarmilirigha chékindürüsh toghrisida kélishim hasil qilghanidi.

 



مۇناسىۋەتلىك خەۋەرلەر