qirghizistan – tajikistan chégrasidiki qoralliq toqunushta qaza qilghanlarning sani 49 kishige yetti

qirghizistan – tajikistan chégrasida 29 – aprélda yüz bergen qoralliq toqunushta qaza qilghanlarning omumiy sani 49 kishige yetti.

1632264
qirghizistan – tajikistan chégrasidiki qoralliq toqunushta qaza qilghanlarning sani 49 kishige yetti

türkiye awazi radiyosi xewiri: qirghizistan sehiye we ijtimaiy tereqqiyat ishliri ministirliqi batken rayonida, 29 – aprélda yüz bergen qoralliq toqunushta qaza qilghan qirghizistan puqraliri sanining 34 kishige we yarilanghanlar sanining 173 kishige yetkenlikini élan qildi.

tajikistan taratquliri, toqunushta qaza qilghan tajikistan puqraliri sanining 15 ke yetkenlikini, hayatidin ayrilghanlardin 7 nepirining esker ikenlikini élan qildi.

tajikistan taratquliri deslepte qoralliq toqunushta 90 gha yéqin tajikistan puqrasining yarilanghanliqini xewer qilghan idi.

qirghizistan-tajikistan chégrasida su teqsimlesh torini kontrol qilish mesiliside jiddiylik yüz bergen we 29-aprélda ikki dölet chégra mudapie qisimlirining mesilige arilishishi bilen toqunush chiqqan idi.

toqunushta nurghun öy, dölet binasi we xizmet orunliri ziyangha uchrighan idi.

ikki döletning diplomatiye ministirlirining muzakirilishishi netijiside, tereplerning ilgiriki orunlirigha chékinishi, mesilining muzakire arqiliq hel qilinishi we urush toxtitish toghrisida kélishim hasil qilinghan idi.


خەتكۈچ: #tajikistan , #qirghizistan

مۇناسىۋەتلىك خەۋەرلەر