нәзәрбайев қазақистан хәлқ мәҗлисидики вәзиписидин истепа бәрди
қазақистанниң сабиқ пирезиденти нурсултан нәзәрбайев дөләтниң ички сийаситидә муһим орунға игә қазақистан хәлқ мәҗлисиниң башлиқлиқ вәзиписини, пирезидент қасим җөмәрт тоқайевға өткүзүп бәргәнликини елан қилди.
1630266
түркийә авази радийоси хәвири: қазақистанниң сабиқ пирезиденти нурсултан нәзәрбайев пайтәхт нурсултанда, вухән вируси сәвәбидин синлиқ өткүзүлгән 29-нөвәтлик қазақистан хәлқ мәҗлисиниң омумий кеңәш йиғинида сөз қилди.
у 2019-йили 19-март пирезидентлиқ һоқуқидин истепа бәргәнликини хатирилитип, бүгүн (2021-йили апрел) дин башлап дөләтниң ички сийаситидә муһим орунға игә қазақистан хәлқ мәҗлисиниң өмүрлүк башлиқлиқ вәзиписидин истепа бәргәнликини елан қилди.
у дөләтниң барлиқ мәсулийитиниң бир қолда болуши керәкликини билдүрүп, хәлқ мәҗлисиниң башлиқлиқ вәзиписини пирезидент җөмәрт тоқайевға өткүзүп беришни қарар қилғанлиқини әскәртти.
