ilham eliyéw: «erméniye xelqara sotta jinayitining hésabini béridu»
ezerbeyjan pirézidénti ilham eliyéw, «tebiiy bayliqlirimizni qanunsiz ishletken erméniye we uning cheteldiki shérikliri xelqara sotlarda hésabini béridu» dédi.
türkiye awazi radiyosi xewiri: ilham eliyéw, ezerbeyjan dölet téléwiziyisi (AZTV) ning ziyaritini qobul qilip, erméniye ishghaliyitidin azad qilinghan rayonlarda bashlighan qayta qurush xizmetliri we pilanliri üstide toxtaldi.
eliyéw urushtin kéyin ishghaliyet mezgilide erméniye kömgen minalarning partilishi sewebidin 100 din artuq puqraning qaza qilghanliqi we yarilanghanliqini tekitlep, erméniyening mina xeritisini tapshurmay urush jinayiti ötküzgenlikini bildürdi.
eliyéw ul eslihe we rayonni güllendürüsh xizmetliri bilen teng birla waqitta bu ziyanlarni hésablash jeryaniningmu dawamlishiwatqanliqini we chetellik mutexessislerningmu buninggha qatnashqanliqini bayan qildi.
eliyéw mundaq dédi:
«bizning pilanimiz erméniyeni xelqara sot mehkimisige élip bérish. elwette, biz bu ishni qilimiz, chetel mutexessisliri bu ishta bizge yardem qilmaqta. tebiiy bayliqlirimizni qanunsiz ishletken erméniye we uning cheteldiki shérikliri xelqara sotlarda hésabini béridu. chünki altun we mis kanliri bilen bashqa tebiiy bayliqlirimizning erméniye teripidin bulang-talang qilinishi we qanunsiz ishlitilishi xelqaraliq jinayet bolup, bu yönilishte qanuniy dewa bashlandi. hazir chetellik shériklirimiz bu ishqa arilashmaqta»
مۇناسىۋەتلىك خەۋەرلەر
shiwéytsariyede türk heptiliki paaliyiti ötküzülmekte
shiwéytsariyening jenwe shehiride türk heptiliki paaliyiti ötküzülmekte.
