özbékistanda yéza igiliki-yéza ishliri ministirliqi meslihetchilikige türk mutexessis teyinlendi

türkiye awazi radiyosi xewiri: özbékistan yéza igiliki-yéza ishliri ministirliqi teripidin élan qilinghan bayanatta eskertilishiche, isparta yéza igiliki-yéza ishliri idarisidin pinsiyege chiqqan,  texminen 2 yildin buyan özbékistanda bir shirketning bash diréktori süpitide wezepe ötewatqan qoljuoghlu, yéza igiliki-yéza ishliri ministiri jemshid xojayéw imzalighan qarargha asasen, ministirning bash meslihetchilikige we ministirliq qarmiqidiki déhqanlarni terbiyelesh merkizining mudirliqigha teyinlengen.

ilgiri yéza igiliki-yéza ishliri ministirliqida déhqanlarni terbiyelesh, kéngeytish we yéza igilikini tereqqiy qildurush ishliri mutexessisi süpitide wezipe ötigen qoljuoghlu, ministir meslihetchiliki wezipiside, dölette déhqanlarni terbiyelesh , yéza igiliki saheside yéngiliq yaritish téxnikisini yolgha qoyush, xelqaraliq hemkarliqlar we türkiyening yéza igiliki sahesidiki tejribiliridin paydilinish qatarliq sahelerde xizmet qilidiken.

shuning bilen bir waqitta, u,  dunya bankisining yardemliri we yézilarni tereqqiy qildurush layiheliri dairiside, özbékistanda déhqanlarni terbiyelesh pirogrammilirining tereqqiy qildurulushi we dölet miqyasida bashqa déhqanlarni terbiyelesh merkezlirining qurulushigha yétekchilik qilidiken.