qirim tatarliri milliy mejlisi erdoghangha minnetdarliq bildürdi

qirim tatarliri milliy mejlisining bashliqi réfat chubarow qirim tatarliri üchün imzalanghan turalghu layihesi üchün jumhur reis rejep tayyip erdoghangha minnetdarliq bildürüp mektup yollidi.

1622141
qirim tatarliri milliy mejlisi erdoghangha minnetdarliq bildürdi

türkiye awazi radiyosi xewiri: chubarow, ammiwi ortaqlishish tor béti Facebook sehipiside élan qilghan bayanatida, qirim tatarliri milliy mejlisi namidin, türkiyening ukrainaning igilik hoquqini qoghdash we qirim tatarlirining heq – hoquqlirini mudapie qilish mesilisidiki sezgürlükidin minnetdar ikenlikini eskertish bilen bir waqitta, ikki dölet otturisida 10 – aprél küni imzalanghan «qirim tatar xelqining wekilliri we ukraina menpeetdarliri üchün turalghu qurulushi saheside hemkarliq ornitishqa dair ramka kélishimi» tüpeyli  jumhur reis rejep tayyip erdoghangha mektup yollighanliqini qeyt qildi.

mektupta, qirim tatarliri milliy mejlisining türkiyening qirimdin köchüshke mejbur bolghan qirim tatarlirining turmush sewiyesini yuqiri kötürüshi üchün körsetken tirishchanliqliridin intayin minnetdar ikenliki bildürüldi.

sélinghusi 500 turalghu mesilisining qiyinchiliqni pütünley hel qilmaydighanliqi eskertilgen mektupta, shunga, türkiyedin, qoshumche 500 turalghu sélish mumkinchiliki heqqide oylinip béqishi telep qilindi.

ukraina pirézidénti wladimir zéléniskining 10 – aprél istanbul ziyariti dairiside, qirim tatarliri üchün ukrainada  ammiwi öy – mülük  idarisi teripidin 500 turalghu sélish toghrisida kélishim imzalanghanidi.



مۇناسىۋەتلىك خەۋەرلەر