bügün türkiye bilen ezerbeyjan otturisida kimlik bilen sayahet qilish bashlandi
kimlik bilen sayahet qilish belgilimisi dairiside, ezerbeyjan puqralirining türkiyege kirishide, türkiye puqralirining türkiyedin chiqishida, qosh tilliq «chégradin kirish-chiqish jedwéli» bérilidu, üstige chégradin kirish- chiqish tamghisi bésilidu.
türkiye awazi radiyosi xewiri:türkiye tashqi ishlar ministiri mewlut chawushoghlu tiwittér adrésida «bir millet, ikki dölet» belgilik xet bilen hembehirligen uchurida: «bügündin bashlap jan ezerbeyjanni kimlik bilenla sayahet qilish mumkin bolidu. barliq tosalghular élip tashlinidu, qérindashliqimiz téximu küchiyidu. puqralirimizgha we ezerbeyjanliq qérindashlirimizgha xeyrilik bolsun!» dédi.
bügündin bashlap yolgha qoyulghan bu belgilime bilen, ikki dölet puqraliri yéngi tiptiki éléktironluq kimliki bilenla özara 90 künlük wizisiz sayahet qilalaydu.
kimlik bilen sayahet qilish belgilimisi dairiside, ezerbeyjan puqralirining türkiyege kirishide , türkiye puqralirining türkiyedin chiqishida, qosh tilliq «chégradin kirish-chiqish jedwéli» bérilidu, üstige chégradin kirish- chiqish tamghisi bésilidu.
her ikki döletning puqraliri bu höjjetni türkiye we ezerbeyjandiki sayahet mezgilide yénida saqlishi we chégradin kirish - chiqishlarda kimliki bilen birge chégra éghizliridiki xadimlargha körsitishi kérek.
yéngi tiptiki chipliq éléktironluq kimlikning sayahet höjjiti süpitide ishlitilishi peqet türkiye bilen ezerbeyjan otturisidiki biwasite sayahetlerdila mumkin bolidu. üchinchi dölettin türkiye yaki ezerbeyjangha kirishte pasportning ishlitilishi dawamlishidu.
yéngi tiptiki chipliq éléktironluq kimlik bilen iqametke iltimas sunushqa bolmaydu.
türkiye yaki ezerbeyjanda 90 kündin uzun turushni xalaydighan puqralar telep qilinghan muddettin 60 kündin artuq ishlitilish mudditi bolghan pasport arqiliqla iqametke iltimas sunalaydu.