mewlut chawushoghlu özbékistandiki resmiy ziyariti dairiside xiweni ékskürsiye qildi
tashqi ishlar ministiri mewlut chawushoghlu özbékistandiki resmiy ziyariti dairiside, tarixiy ehmiyetke ige xiwe shehirini ziyaret qildi.
türkiye awazi radiyosi xewiri: özbékistanda 1511 – we 1920-yilliri hökümranliq sürgen xiwe xanliqining paytexti xiwe shehiridiki tarixi jaylarni ékskursiye qilghan chawushoghlumu özbékistan metbuatlirigha bayanat berdi.
mewlut chawushoghlu türkiye we özbékistan otturisidiki özara munasiwetlerning jumhur reis rejep tayyip erdoghan bilen pirézidént shawket mirziyoyéwning rehberliki sayisida nahayiti yaxshi bir nuqtigha kelgenlikini tekitlidi.
mewlut chawushoghlu medeniyet, sayahet, maarip we déhqanchiliq qatarliq oxshashmighan sahelerde ikki terep munasiwetlirini yenimu tereqqiy qildurushni xalaydighanliqini hemde yene, türk dunyasining birliki, rayonning muqimliqi we tinchliqi üchün ortaq tirishiwatqanliqini éytti.
mewlut chawushoghlu jumhur reis erdoghanning xiwe, buxara we semerqentte méhmanxanilarning sélinishi toghrisida türkiye shirketlirige yolyoruq bergenlikini tekitlep, türkiye hawa yolliri shirkitiningmu kowid-19 yuqumidin kéyin buxaragha uchushni telep qilghanliqini éytti.
mewlut chawushoghlu uchushlar bashlanghandin kéyin, türkiyening her qaysi jayliridin puqralar kélip, bu güzelliklerni we tarixi medeniyet yadikarliqlirini körüshni xalaydighanliqini bayan qildi.
tashqi ishlar ministiri mewlut chawushoghlugha «xiwening pexriy puqraliqi» teqdim qilindi.
mewlut chawushoghlu yene, tarixi xarezm rayonining süretliri qoyulghan bir körgezminimu ziyaret qildi.
