amérikada türk jemiyetliri «xojali qetliami» ni eyiblidi
amérika qoshma ishtatlirida paaliyet élip bériwatqan türk ammiwi teshkilatlar «xojali qetliami» ning 29 – yilliqi munasiwiti bilen bayanat élan qildi.
türkiye awazi radiyosi xewiri: türkiye -amérika rehberlik komitéti (TASC) teripidin élan qilinghan bayanatta, erméniye armiyesining, ezerbeyjanning xojali shehiride, 106 ayal we 63 balinimu öz ichige alghan 613 puqrani qetl qilishi eyiblinip mundaq déyildi: «xelqara jemiyet erméniye küchliri sadir qilghan zulum – sitemler heqqide xewerdar qilinishi kérek, bizmu bu yirginchlik urush jinayiti üchün adalet telep qilishimiz lazim.»
türkiye – amérika jemiyetliri (ATAA) teripidin élan qilinghan bayanattimu , erméniye küchliri 1992-yili xojalida yürgüzgen qetliam eyiblinip, amérika qoshma ishtatliri we xelqara jemiyettin, erméniye rehberlirini bu jinayet sewebidin jawabkarliqqa tartishi telep qilindi.
erméniye armiyesi, 1992 – yili, 26 – féwral küni, sabiq sowét ittipaqi armiyesining 366-motorluq polki bilen birlikte, ezerbeyjanning xojali shehirini ishghal qilip, 63 bala, 106 ayal bolup, jemiy 613 ademni qetl qildi.
qetliamdin 76 si bala bolup, jemiy 487 kishi éghir yarilanghan halette qutulup qaldi.
erméniye küchliri, 1 ming 275 kishini esirge aldi, bulardin 150 kishining téxiche iz – dériki bolmidi.
