eliyéw: erméniyening 10 – noyabir bayannamisini yolgha qoyushini ümid qilimen

ezerbeyjan pirézidénti ilham eliyéw erméniyening 10-noyabir bayannamisini yolgha qoyushini ümid qilidighanliqini bildürdi.

1591216
eliyéw: erméniyening 10 – noyabir bayannamisini yolgha qoyushini ümid qilimen

türkiye awazi radiyosi xewiri: eliyéw, axbarat élan qilish yighinida sözligen nutiqida, taghliq qarabaghda urush toxtitishni ishqa ashurghan 10 – noyabir bayannamisi heqqide toxtilip mundaq dédi: «urushning netijisi héchqachan özgermeydu, bayannamining belgilimilirining köpinchisi ijra qilindi, erméniyening nöwettiki weziyitige qarimay, bu jeryan dawamlishidu, bolmisa, erméniyening weziyiti téximu yamanliship kétidu, derweqe, erméniye yéngi réalliqlar bilen yüzlishishi kérek.»

erméniyediki herbiy – siyasiy özgirish teshebbusi toghriliqmu toxtalghan eliyéw, mundaq dep körsetti: «namayishlar erméniye dölitini qattiq zilzilige keltürdi, erméniyede bohranliq weziyet dawamlashmaqta, pirinsip jehettin biz héchqandaq bir döletning ichki ishlirigha arilashmaymiz.»

bu ehwalning jawabkarining mewjut hökümet ikenlikini eskertken eliyéw, mundaq dédi: «erméniyening nöwettiki weziyiti nahayiti éghir, buning sewebi, hazirqi we aldinqi hökümetlerdur, erméniyening bu ehwalgha chüshüp qélishining sewebi bolsa, erméniyening ishghalchiliq siyasitini yolgha qoyushidur.»



مۇناسىۋەتلىك خەۋەرلەر